إزاى أبيعك بقلم الشاعر محمود فوده
صعبان علــيّ بس قلــي هعمل ايــــه
مشتــاق لروحـك لأ وقلبك باللي فيه
مسجـــون يا طيري في سجن غيري
ياريتني اقــدر أبعــده فيها واشتكيه
هتعيش حــــزين ومـــا بين ناريـــــن
دا السجـــــن عـــــاد للمظلوميــــــــن
يا دنيـــا ليـــــه راحــــوا الحبـــــايب
راح فيكـــــي زمــــــن الطيبيــــــــــن
إزاي تفكـــــر ان ممكن لحظه أبيعـك
مهما اسطر بالحـُـروف آلام وجيعــك
مش هسلــــم فيها لليــأس وأطاطي
لو فــات زمان الحب ويَّا زمن ربيعك
لســه حبك فيه دفـــى آســـر حنـاني
حتى روحك منصفه عاشقه لجنانـي
لما بنطق مـــــره إسمك ليــــه بدوب
والقي صورتك فالخيال مستقصداني
عيش الليالي ياريت تنادي ع القمــر
فاكر اللي كان بيني وبينك في السهر
ياما بكيت فيها عليك وقت الفـــراق
ولســه عايش فيها على أمــل القــدر
صعبان عليَّ وانت فيها عايش وحيد
زعلان عشانك مستحيل اكون سعيد
طول ماانت غايب عنى فيها كرهتها
نور حبك انت بيتولد فيها من جديد
من ديوان حرف المشاعر
التعليقات مغلقة.