براوي الغيط بقلــــم الفــــلاح الفصـــيح معوض حلمي منشأة بطاش تمــي الأمـــديد .. دقهلــــية

براوي الغيط بقلــــم الفــــلاح الفصـــيح معوض حلمي منشأة بطاش تمــي الأمـــديد دقهلــــية

انا كنت زمان براوي الغـيط
وكنت مخاوي اتنين عفاريت
واحد كان في الخير بيسعالي
وواحد كان نطـاط الحــيط

كنت باحب لقـاهم خـــالص
تحت التوته وكوبري سوارس
نلعــب سـوا لعب العفـاريت
ولمشاعـرهم كنـت الحـارس

لما حكـوا لي عن أسـرارهم
واللي بيجرى جوا ف دارهم
مش عارفـين إن انا فــتان
واني هاذيع للخلق حوارهم

كنــــت مفــكـر إن حـياتهـم
عالــم بيــحـكي عن عفـتهم
طلعـــوا ولاد الإيــــه زييـنا
لكـن مكـــــرنا بيلخــــبطـهم

فيـهم واحـــــد بايــع اخـوه
وفيهم عاق وبيـضرب ابــوه
وفيهم خاين جار على صاحبه
مصانش العيش والملح ياهوه

كنت بافكـر اهـــج إليــــهم
بس انا خـايف من بلاويهم
لكــن صاحـبي الحـلو التنتن
أصـــخم وانتن من عنديهم

وشوفت عـرايا ولاد وبنات
يبـدو عليـــهم أهـــل ذوات
ولما ســــالت عن الموضوع
هل مشـــروعه المهــرجانات ..؟

قالوا مكانش ف شرع الجن
إن ولادنا عقــــــولها تجــن
لكـن هــــما البـني آدمـــين
باعــــوا الدين وبإسـم الفـن

قالـوا علينا الخـلق أبالسـه
كنا بنغـــوي العــقل بهلسـه
أصـبح منـهم فيـهم واحـد
يغوي الدنيا بحالها ف جلسه

دول كسـفوني ولاد إبليس
واحنا بنغـرق في التدليس
خوفـت اكــدب قولهــم آه
خوفت أبان ف عينيهم تيس

وخايف أطـــــــلع للمـــريخ
واخد جــرعه من التوبـيخ
علشان حالنا ياأهل الارض
ولا عاد ناصح ولا عاد شيخ
ـــــــــــــــــــــــــــــــــــــــــــ