الشبح المجنون بقلم حسين بدراوي البيومي

الشبح المجنون
واقف على ناصية بينده لي
و الحد المقصود غايب مع إنه بيشتاق لي
وأماكن وشهود من كتر الفرحة تسقف لي
أنا عيني بتحلمبك يا بلاد العز وأوطاني
المولى اللي خلقني وأبويا بحبك وصاني

عنقود الليل عدى حباته بتبرق ف عيوني

والنجم الي منور ف سمايا بيشرح مضموني

الشعر اللي كتبته بيوضح زمنك ومكاني

العقد إللي جمعته عرض ف فترينة إخلاصي

مأسورة ف صورة طير وبيحلم إنه يطير تاني

ورصاصي اللي ضربته حرر لحدودك من تاني

ملعونة الإيد الفاسدة اللي بتقطف وردك بدري

ملعونة الريشة الجاهلة إللي بتمسح معظم ألواني

الشبح المخبول
ياما إستنيته ومظهرشي
والقلب المكسور محموق مع إنه ميقدرشي
لو أنط لبعد السور إللي ما بيني وبينك مبني
وأختم ورقة بسبوري أو أسافر من غير بسبور

مهو بعد السور هفتكرك وهفِرِركْ زي الألبوم
وساعتها الدمع هيجري ويا بحور الشعر يعوم
كلنا بنحب نكون شعراء وبنوصف ف الأزمات
وبقينا الصبح كما القتلة من كتر غياب النوم