كرهتك حب بقلم أحمد زيدان
و كونك حابه تترسمي
رسمتك برد فصل خريف
لقيتك شمس بردانه
بتتخبي فى ليل طوبه
مشاعر قلب معطوبه
و حاضنه غروب
و ليل حآلك كما حالك
غريبه بجد
رسمتك صيف
عشان ليللك يكون اصفي
لقيتك رعشه متشافه
بتعكس خوف
رسمتك صوت
لقيت انك عجيب امرك
في وسط الزحمه بندهلك
ولا ترديش
و عاوزاني في موالك
اكون درويش
ولو مره تجاوبيني
جوابك ممضي بسكوتك
و عاوزاني في ملكوتك اكون رسام
حبيبه ازاى
وانا شايفك في كل الجاي
غريبه الطبع ويايا
و كوني عجزت عن رسمك
فسامحيني
ولو كان الغلط منك انا مسامح
و كونك حابه تترسمي
بلاش عن حلمي تنقسمي
و دفي غربتي فيكي
و جودي عليا بالفرحه
دانا ابنك ، و بنيانك
و وقت الشده خدامك
انا دمك ، و شرينانك
وانا اللي بكون فى موالك
وإسمي شهيد
فلو كنتي صحيح هيه
فكوني البسمه لمراياتي
د حبك فيا بإرادتي
بلاش تاخديني بالقوه
أنا هو☝️
ف ليه منك فطمتيني
وحطاني ف أخر صف ف صفوفك
……
التعليقات مغلقة.