لقد هرمنا… شعر السيد الشيتي
لقد هرمنا
وخريف حياتنا
بيهاجمنا
واتسر بت ايامنا منا
ليالينا زى السحاب تمر
والعمر زى الخيط يكُر
نتمنى نسمعِ
شئ يسُر
والزمن وشّه مخاصمنا
تُهنا وتَوهنا الطريق
ولا بحر بينجي غريق
حتى الصديق
مبقاش صديق
العمر نساه
ال بينا
ومهما كان الليل طويل
والزمن همه تقيل
واكتافنا من حمله تميل
لابد يوم يطلع نهار
يرخى على الظلم الستار
والفجر يدخل كل دار
والزمن يرجع
يطبطب ع الجراح
ويرِّجع الحلم
ال راح
ويخلى للا فراح براح
والدنيا ف الفرح تقاسمنا
بس رغم الضلمه
و سنين الضباب
رغم المآسي والعذاب
القلب لسه مازال شباب
والحب بيداوى همومنا
لقد هرمنا
التعليقات مغلقة.