لغيتك…من حياتي… شعر هدى وهبه
غصب عني
من حياتي
خلاص نهيتك
ياللي طول العمر
جنبي ماإلتقيتك
عشت كل العمر
أتمناك أماني
والحياة كانت في قلبي
شكل تاني
وأما فوقت
جوه أوهامي إلتقيتك
كنت ضي ل عيني
والإلهام لروحي
كنت فاكره بعمري
إن أنا إشتريتك
بين ضلوعي
حضنت صورتك
وإرتضيتك
عشت عمر ومر مني
ماعشتهوش
والأمان اللي إشتهيته
مالقيتوش
كل حلم عندي غالي
خلاص نسيته
من حساب العمر
صفرته و لغيته..
يعني ببساطه نسيتك
ومن حياتي
كمان لغيتك
التعليقات مغلقة.