كان لينا امام…وغصون لسلام شعر حسن أبو عرب
فى ليالى البرد الشتويه
أنا كنت زمان
على قبة فرن محميه
أفرش وأنام
انا كنت باحب الناس تمَّن
حتى الغلبان
كان قلبى الطيب لِسَّه اخضر
كما فرد حمام
كان لسه الطير بينا بيصدَح
بأجمل ألحان
أنا كنت مصاحب كل الزرع
والدنيا باشوفها بالألوان
التوته بتحضُن صفصافَه
وغصون لسلام
والنخل الشامخ كان بِطرَح
لبلدنا اعلام
كات دُورنَا الدافيه تقَرَّبنَا
وتفيض بحنان
ومعُونَّا كتير كان بيْجَمَّع
أحباب وجيران
كان لسه هناك فى طبليه
وليالى أمان
كان لسه الدِيك بينَّا بيِدن
كان لينا امام
التعليقات مغلقة.