الليل بقلم حسن أبو عرب
حط النقط فوق الحروف
وابعد عن اللى يقول ياخوف
وارفع جبينك فى السما لاتنحنى
خليك قوى
وانصب ميزان العدل دايما واشتري
اكسر لشوكة المفترى
مرسوم على الليل السكون
والشَّده لَام فاياك تخون
وان غاب عن الدنيا الأَنُون
الفاتحه للقلب الحنون
ولشمس رافضه للكسوف
بالضى حلفت ميت يمين
وبعزم موصول لا يلين
لتدَفِّى قلب الشقيانين
وتحرر الطير السجين
ارفع رايات الانتصار
دى الفرحه ساكنه فى الديار
شايفينها ف عيون الصغار
صبيه فى اديها الچيتار
بتغنى أناشيد النهار
والناس صفوف
دقوا الدفوف
دقوا الدفوف
………….
التعليقات مغلقة.