كل عام…وانتم بخير شعر معوض حلمي

كل عام…وانتم بخير شعر معوض حلمي

كل عـام وانتـم بخير
للي عاهــــد ثم وفـى
واللي مات فيه الضمير
شق لحم الناس وشفى
كل يوم ترمينا محنه
واحنا لسه زي مااحنا
م الغباوه تزيد جـراحنا
والمشـــــاعر تستـجير
كل عـام وانتـم بخير

كل عام وانتـم بخـير
للي عاهــــد ثم وفـى
واللي مات فيه الضمير
شق لحم الناس وشفى
كـل عـام لازمـا نهني
كل يـوم بنزيد تمـني
بـس فـينا حـد جـني
العوبان سادي وخطير
كل عـام وانـتم بخير

كل عام وانتم في سعد
للـي سـلم واللـي آمـن
واللي خاين كـل عهد
كل عام بيموت قرايب
و تفارقنا كتير حبايب
بس فينا الطبع غالب
ندفن الأموات ونرجع
ناكــل لحــــــم بعـض
كل عام وانتم في سعد

كـل عـام وانتـم تمـام
بعـد عـام بيـهل عــام
ينتهي العام اللي قبله
بس سـايب فينا حبله
كل واحد عقله طاب له
خيره شــره ده التزام
كل عـام وانـتم تمــام

كـل عام والصـبر طيب
للغـــوالي .. واللي عيب
واللي خـاين ليس منا
واللي صان العشره بينا
حـقه يسـكن نـن عيـنا
ولقلــــوبنا يكون قريب
كل عـام والصـبر طيب

كل عام للغالي هاحبي
واللي واجـع ليا قلـبي
برضه ليه النصح واجب
ليه نكابر او نعايب
واحنا راكبين الركايب
راح نقابل وجه ربي
كل عام للغالي هاحبي
بقلـمي الفــلاح الفصــيح
معــــوض حـلــمي عــلي
منـشـــــــــــــأة بطـــاش
تمـي الأمـديد / دقهلـية