كل عام يامصرنا… شعر السيد الشيتى
كل عام يامصرنا
ف القلب شايلينك
محروسه من ربنا
كايده عدوينك
صابرين على صبرنا
ماسكين على دينك
بنقول ياريت يابلد
تضحك لنا سنينك
كل عام يامصرنا
وانت واحه للأمان
والخوف يغادر أرضنا
والحق نوره يبان
ندفع شراع الأمل
وندوس على الأحزان
ونحس بين الأمم
بقيمة الأنسان
نفسى السنه دى
تكون نهايه للآهات
أشوف السعاده ف عين ولادى
مسلمين وأقباط
نغسل هموم الزمن
واليأس والإحباط
ونعلى مجد الوطن
ونسابق المسافات
كل عام وبلدنا ف ايديها الزمام
والأمن بيرفرف
على أرض السلام
ياوطن نفسى
تنسينا الالام
كل عام وبلدنا شعله منوره وسط الزحام
كل عام واحنا على بابك نناديكى
تجمعنا شمس الحقيقه
على أغلى شئ فيكى
نبنى جسور من نور
حافظه خطاويكى
بالفن ويا الأدب والعلم نهديكى
التعليقات مغلقة.