أنا وطنك…شعر حسن أبو عرب
ومِن امتَه صِعِبت علِيك
ومِن امته أنا اهِمَّك
بتِشمَت فِىَّ ليه بعنِيك
وبِعت الحُب ولاهَمَّك
وبحتاج لَك ومُش بلَاقِيك
ويامَا شرِبت نار ظُلمَك
تهِيم الروح كَطيف حوَالِيك
تردد ف الفضا هَمسَك
وعِطر سلامِى يِملَّا ايديك
ورود يفرِشهَا فى دَربَك
رسايِل شوق بَاعِتهَا اليك
ونَبضِ القلب يِندَهلَك
أنا مِنَّك وكُلِّى الِيك
أنا وطنَك
أنا كُلَّك …
التعليقات مغلقة.