طفلة جميلة بقلم / امل محمود عبد الرازق
شوفت الطفلة بروحها الحلوة
شايفه الدنيا بلونها الأزهر
واقفة تناجي عيون الليل
مستنيه الفارس الأسمر
يخطف قلب البنت البيضة
ويعديها البر الأخضر
زي أبوها في كل كلامه
ولسانه بينقط سكر
جه في منامها وملو هدومه
شاعر صاحب فكر مسيطر
ولما أصابها بنظرة عين
ظهرت حمرة على الخدين
وخاف القلب من اللايمين
كانت لحظة بعمر سنين
وفضل يرقص شوق وحنين
وابتدا يبقى الحلم حقيقة
وما عادت الطفلة بريئة
حست يومها بشئ متغير
يملا الدنيا ودايما يكبر
والإحساس غير الإحساس
ولا حاسة بوجود الناس
كتب فيها ألف قصيدة
ومش فاهمة مين المقصودة
ولاعارفه إيده الممدودة
بيغني بشوقه الولهان
وكلامه لولي ومرجان
والقصة بدايتها اتقالت
والدمعة من العين سالت
من كتر الفرحة المكبوتة
وهنحكي أجمل حدوتة
للفارس والبنت البيضة
الصدفة جمعت أحلامهم
والفرحة عمت أيامهم
من نظرة شقت لياليهم
ويارب تحقق أمانيهم
ويارب تحقق أمانيهم
التعليقات مغلقة.