بلدنا بقلم / معوض حلمي الفلاح الفصيح
بلدنا .. ياغيه سمارك كرم
ياهمه قويه ياأرض الهرم
ياغيط لسه طارح سنابل عيال
ياماليه المطارح طراوه ونعم
بلدنا يافرحه ياشطي وضفافي
يانسمه وسارحه بترمي العوافي
ياخيري اللي نايم ف قلبي وهايم
ياشامه وتمايم وسعدي الموافي
بلدنا ياضله وماليه البراح
ياشفشق وقله ونور مستباح
ياحنة كفوفي ياحسي وشوفي
يافاسي وشادوفي وعزم السلاح
بلدنا يافله يامينا ومراسي
ياعشه وضله وزرعي وناسي
بحبك مرايتي وحبري ودوايتي
واحبك حكايتي وحلمي اللي راسي
التعليقات مغلقة.