خلى بالك بقلم اشرف الشناوى شاعر عاميه البرامون المنصوره
خلى بالك م الجيران
واوعى حد يبات جعان
دا النبى وصانا بيهم
مهما كانت الحيطان
الصلا والصوم عباده
والزكاه زى الشهاده
خلى بالك م اللى منك
اللى عاشوا بنفس دمك
ود خالك ود عمك
الرباط لابوك وامك
اوعى يوم تقطع حبالهم
والا تكره يوم عيالهم
الحياه فى الاصل لعبه
سهله كانت والا صعبه
هى رحله .مهما طالت
هانفارقها
واللى فاضل بس ذكرى
اوعى تطمن لبكره
وارمى عالكل السلآم
تلقى روحك جوا منك
برج مليان بالحمام
عيش حياتك وانت راضى
مهما كان الحكم ماضى
واللى ربك عاوزه لازم
هتلاقيه وياك ملازم
عيش حياتك وبضمير
دا الغفير فى القبر نايم
جنب وسيادة الوزير
واللى يفرق بس بينهم
اللى قلبه عاش فقير
اللى عاش يحلم بجنه
قام زرع فدادين شعير
عيش حياتك مهما كانت
بس بشوية ضمير……….
التعليقات مغلقة.