حكايتى معاك …
أشرف يوسف
حگايتي معاك
علي البحر الوافر
مُفَاعَلَتُنْ مُفَاعَلَتُنْ فَعُولُن
شعر غنائي
گلمات : أشرف يوسف
قدرت انسي العذاب والحيره
جنبك
ولا قدرتش في يوم أنسي
ه‍واك
عشان بعشق عنيك وبدوب
في حُبَّك
وِلِيَّا حگايه يا حبيبي معاك
حگايتي معاك بتبدأ م النهارده
مع الأشواق و تِجْمَعْنَا الأماني
حگاية حُبّ لو قولناها مَرَّه
يِدَوِّبْنَا الحنين و نقولها تاني
حلاوة حُبِّنَا و شوقنا و هوانا
حلاوة أرضنا و ليلنا و سمانا
حلاوة ما اتقابلنا مَرَّة صدفه
و گان الْحُبّ بيقرب خُطَانا
ما كانش ف يوم من الايام دا
حالي
أدوب و اعشق عنيك و اسهر
ليالي
في لحظه لقيتني بَتَغَيَّر لوحدي
وبسأل روحي إيه اللي جرالي!!!
يا فَرْحِة عمرنا مع بعض واحنا
بِتِجْمَعْنَا الأماني ليل نهار
وِبِنْقَرَّبْ سوي علي حِسّ شوقنا
و بنعيش السعاده ف أحلي دار
ومن كُتْر الأمل فى حياتنا دُوبْنَا
و حَسِّينَا الهوي بدقات قلوبنا
مفيش و لا مَرَّة في الْحُبّ
اشتگينا
و لا عَنُّه في ليله قولنا توبنا
و علشان الحياه بنعيشها مَرَّة
ياروح قلبي ومش بنعيشها تاني
تعالي نِحِبّ بعض اگتر و أگتر
ونِفْرَح بعد ما ندوب في الأماني
ونِفْرَح بعد ما ندوب
في الأماني
الإثنين بتاريخ ٢٠٢٢/١/١٠م
بقلم الشاعر : أشرف يوسف
من ديوان :حگاية حب
التعليقات مغلقة.