أنا ما اسْتَهْلِكْش
كلمات : أشرف يوسف
أنا ما اسْتَهْلِكْش
أنا إيه؟ أنا مين؟!!!
أنا بختي قَلِيل
أنا قلبي حزين
أنا ما اسْتَهْلِكْش
و إيه يا حبيبتي
بإمكاني؟
أنا علي قدي
شوفي حد أكيد
يبقى مكاني
أنا حيلتي مفيش
فى الدنيا دى
غير قلب و حَبِّةْ
أشعار
ومشاعري صحيح
هِيَّا حياتي
وماليش الحق اني
اختار
مفروض على قلبي
يعيش في الدنيا
وهو بسيط
و الباقي أَحِبِّك
بس أَشُوفِك
بالتقسيط
وانا أَمْلُكْ إيه
في الدنيا عشان
أسعد قَلْبِك؟!!!
كل اللي بإيدي
اعْمِلْهُولِك
إني أَحِبِّك
وأديني بَحِبِّك و بحُبِّك
أنا قلبي سعيد
وبرغم اني بقرب قدري
بياخدني بعيد
وانا أعمل إيه بس بدنيا
مبدأها ياروح قلبي الْمَادَّة؟!!!
لا بترحم في الدنيا مشاعر
ولا دقه ف قلب ولا موده
وعشاني بَحِبِّك من قلبي
وبخاف م الدنيا دى عليكي
راح اقُولِّك كان غَصْبِنْ عني
أبعد وانا مِتْعَلِّق بيكي
وأقولك أنا ما اسْتَهْلِكْشي
وانا إيه يا حبيبتي بإمكاني؟!!!
شوفي حد ياروحي يكون
قادر
يغنيكي يكون ليكي مكاني
يغنيكي يكون
ليكي مكاني
الأربعاء بتاريخ ٢٠٢٢/١/١٩م
بقلم الشاعر : أشرف يوسف
من ديوان : ليالي الغربه
التعليقات مغلقة.