ذكريات بقلم محمد عبد الكافى
ذكريات
مرت علينا وكل واحد مننا
بحلم يعيشها ف يوم ساعات
والضحكه ساكنه ف قلبنا
ذكرياتنا كنا فيها
زى طير فارد جناحه
سارح ف دنيا معطره
وخطاه نغم
بيغنى للأزهار صباحه
كنا تلاته من الصحاب
والبسمه مرسومه ف وشوشنا
والدنيا لينا كت عروسه
وكت علي الخدين تبوسنا
ذكرى جميله وعمرها ما ف يوم تغيب
عن قلبنا وعن فكرنا
وعن عمر عشت أنا فيه غريب
أيام زمان كنا صغار والحب جمع شملنا
كنا بنلعب ع السطوح والشمس ضوء بيلمّنا
نضحك نعاكس ف النجوم
والنجمه منا بتبتسم
وتغير اوى لو جاها يوم والشمس منا بتترسم
يا زمان عشان نقدر نعيش
لازم تكون من صفنا
وترجع العمر اللى ضاع
وتجيبه تانى لأرضنا
كنا زمان بنغنى ألحان الحياه
واما انتهى زمن الطفوله
صاب حياتنا الالف آه
ودى ذكريات مرت علينا وكل واحد مننا
بحلم يعيشها ف يوم ساعات
والفرحه تحضن قلبنا
التعليقات مغلقة.