دمعة عين بقلم / محمد عبد الكافي
اوعى يا عين تبكى
او تذرفى دمعه
دا انتى رعاكى الله
للحق مستمعه
فاكره حديث النبى
ومنازل الصابرين
ليهم سبع أبواب
م الجنه مدعوّين
وان كان على جرحك
ف دا ابتلاء الله
واللى يخاف ربنا
متهمهوش الآه
ف ازاى بقه تدمعى
وتلومى ع الدنيا
هو انتى مش مؤمنه
ان القضاء لله
كونى كما الأنبيا
واتمسكى برضاه
وان كان على دمعتك
خليها من الخشيه
أو من فقيد حبّاه
واوعى ياعين تبكى
ف غير اللى وصيتك
دا الدمع طبع النسا
أما الرجال فَ لاا
قالوا كلام ع الدمع
ولقّبوه بأسماء
منها دموع تماسيح
خاينه وكدابه
تنزل عشان توهمك
بالطيبه ف ديابه
ودموع بتتصعب
علشان تصيب مصلحه
والصدق بقه مدبوح
فى مآقى كدابه
أما انتى يا عينى
عودك حديد مصبوب
بكلام كتاب الله
وب سنة المحبوب
وانا اسمى من اسمه
واتمنى اكون ويّاه
ف انسى بقه ياعين
كل اللى كان همك
وافتكرى يوم العرض
والرحمه يوم نلقاه
ساعتها هتحبى
وتّوهى ف المناجاه
والدمعه اللى حبساها
هتفك من أسرها
وتزيد فى طاعة الله
التعليقات مغلقة.