فستان حرير بقلم / امل محمود عبد الرازق
جالي حبيبي في الأحلام
جايب معاه حب وهيام
فستان حرير ابيض ما أحلاه
لون بياض الشمس بدون غمام
رسملي حلم جميل معاه
وبنالي كوخ من الأوهام
صدقت كلامه ومشيت وراه
تاهت أحلامي وتهت جواه
والحلم كان كابوس منام
رسملي على الحيطان سراب
بدون جدار ولا حتى باب
وبيت ديابة ف حتة عتمة
وكل خطوة ألاقي ضلمة
واسمع لبوم الليل ينادي
من كل جحر وكل وادي
وجاي يقول القلب مال
ومفيش محال
انت حبيبتي بدون جدال
وأنت اللي عايشة ف الخيال
صدقت حلمه وخداعه
ومشيت معاه كل صراعه
وصحيت لقيت النور مطفي
فستاني كان جايبه لكفني
ماشية ف طريق مليان أشواك
الخطوة فيه مارد فتاك
أصل الديابة تخاف م النور
دايما تعيش في طريق محفور
على شان بعيش بقلب وخير
وأحب كل الناس والغير
حماني ربي من الأشرار
لو حتي عاش على باب الدار
التعليقات مغلقة.