الساعة كام بقلم / الشاعر محمد فوزى العليمى
سؤال بسيط وعادى
تسمعه ساعات وتسأله
بس فى الغالب اكيد
أنه لافت للإنتباه
سألته ومشيت بسرعه واختفت
وتوهت انا وفطنتى فى الجواب
سؤال حارق وكاشف
ومحتاج معاجم واجتهاد
تقصد ايه وليه السؤال
فهمته كده وليه حيرنى
تقصد مر أد ايه من عمرنا
وبدون تمن ولا حساب
اختفينا ف حلمنا
وغطينا الساعه باللحاف
برد القلوب والامنيات
غيبت العقول والسؤال
غيبت لحظه عن الوعى
أو قول انتبهت للسؤال
الساعه كام يعنى ببساطه
قربنا من زوال النهار
يعنى نسينا المهم
و اتشعلقنا فى الخيال
يعنى ركبنا قطر الامل
بدون عمل ولا اجتهاد
يعنى ساعات فوتنا
الصلاه وساعات رفضنا
حاجات كتير ميسره
لغسل الذنوب والذلل
يعنى السؤال مكانش
عادى ده رسول ربنا
الحق افوق واخد ثواب
وأشد الركاب للوصول
يعنى أسابق واجتهد
واطلب الفين مدد
واتمسك بالسبحه والذكر
طول الوقت والصلاه
والمكسب أعده بالثوانى
والدقائق والخسارة
قومت اغتسل بأجتهاد
ورسمت ساعه على كل الحيطان
منبه ليا من الضلال
واجتهد ورب يقبل الاعتذار
التعليقات مغلقة.