أنا مين وليه وازاي وفين كلمات/مسعد البحراوي
خايف أقول حرفين ألم
يظهر لي واحد محترم
يسألني مالك ؟
افرشله منديلي وحروفي
وأعرفه سري وظروفي
يلمح في نبرة صوتي خوفي
يطمع في قلبي اللي اتظلم
أنا مين وليه وازاي وفين
أنا كل أحوال الحياه
أنا دمعتين مش متشافين
ماسكين في عين متقولش آه
جوايا انا الشاب العجوز
وحكيم بيفهم قوته
خسران كتير لكن يفوز
بفراق لعالم خسرته
أنا مش ملاك لكن ملاك
مع كل إنسان كان أمين
يتفض بيا الإشتباك
وشمالي يطغى عليه اليمين
أنا مش حزين لكن حزين
من فعل عالم محتـــــــدم)
التعليقات مغلقة.