مجنونه بيك …
أشرف يوسف
مجنونه بيك
مجنونه بيك ولا عايزه حد
يگلمك غيري وبس
ح تقوللي إيه وانا غير
ه‍واك
لا عرفت يوم ولا قلبي
حَسّ؟!!!
غِيرتي عليك خَلِّيتْني اخاف
من أي واحده تگلمك
مع إني من نظرة عنيك
بَقْدَر أحِسَّك وَافْهَمَك
واعرف أوام انْ گنت مظلوم
وقتها وَلَّا برئ
علشان ساعتها بيفضحوك
ويقولوا عَنَّك گل شئ
و المشگله مش فِيَّا انا
المشكله ف قلبي اللي داب
قلبي اللي حبك و انشغل
وفتح لحبك ألف باب
و مدام بَغَير لازم تِحِسّ
بغيرتي وِتْقَدَّر شعوري
إزَّاي تقول بتحبني
وتروح تگلم واحده غيري؟!!!
عيزاك تكون لِيَّا و بس
مش عايزه يبقالي شِرِيك
علشان بَغِير من گل شئ
وگمان بَغِير منك عليك
أَيْوَه بَغِير
مِنَّك عليك
الثلاثاء بتاريخ ٢٠٢٢/٢/١م
بقلم الشاعر : أشرف يوسف
من ديوان : سنين في الحب
التعليقات مغلقة.