قمر الدين…بقلم أشرف الشناوي
انا اخر صوره
شافتها عيونك
يامه
فى قلب العزل
ولحد الوقتى
يوماتى
بفصل منها
الغزل
وملامحك لسه
فى قلبى
جميله وحلوه
ويوماتى باحسك
اجمل غنوه
مانا بعدك تايه
وسط الحزن
وظلم الدنيا
مانا كنت زمان
باتعكز يامه
عليكى
ولا كنت باخاف
من حد
مادام النور
فى عينيكى
ليه ياخدك بس
الموت
ويسيبنى حزين
طب ليه الموت
يخطف مننا
كل الحلوين
وبيزرع جوا
قلوبنا مرار
بدل الياسمين
انا اخر صوره
شافتها عيونك
والله ياقمر الدين
ماهو وجعك
كان جوايا كما
السكاكين
انا يامه العود
اللى انتى زرعتى
فى وسط الطين
الهوا بيهزه
كأنه مالوش
رجلين
انا يامه المركب
من غير قالع
بين شطين
انا كنت باشوفك
اامن حته
فى قلب العالم
وباحس الدفا
لو حتى فى تلج
وان مره وقعت
بالاقى فى ايدك
برضه السرج
تسندنى ايديكى
لحد ماطير
واسمع وشوشتك
لما يدق الباب
عصافير
ماهو قلبك كان
مليان بالخير
قناطير
انا لسه اشتاق
واشتاق
دايما حواديتك
ولا احسش
فرحة عيد
غير لما ابوسك
ماهو برضه العيد
من غيرك يبقى
حزين
فازاى راح يضحك
قلبى
ياقمر الدين
انا اخر صوره
شافتها عيون حلوين………
اشرف الشناوى
شاعر عاميه
البرامون
المنصوره
التعليقات مغلقة.