خطوط الوهم…
محمد سعفان
خطوط الوهم
امسح خطوط الوهم من كفك
وارسم خطوط الحلم
اللي كان ف يوم صا حبك
امسك قلم
اكتب كام كلمة
تهز الارض من تحتك
اللي خانوك
كا نوا بيقصدوا نحتك
خطوتك رايحة
خطوتك جاية
السكة اللي كانت امبارح
دلوقت مش هيه
والصحبة اللي كانت
ف الد م بتشارك
دلوقت ف الهم منسية
لا فكرة بتجمعها
ولا كلمة بتسمعها
ولا بذرة طارحة حنية
والدم جواها يشبه المية
والنبض ف عروقها
دلوقت مش عارفك
امسح خطوط الوهم من كفك
دوس علي ارضك
والارض عريانة
عرفاك وعارفة كمان اسمك
بترابها معجون
وف قلبها مدفون
اسمها موصول مع اسمك
ولو داست ف يوم رسمك
وكسرت برا ويزك
ولقيت البا طل بيتزوق
ويتروق
ويعلي ويطلع لسانه ويعا ندك
اقف عندك
اقف ولملم خيوط عمرك
واغزلها توب ستر
الستر لو هرب منك
وانت ف حضن الوطن
ونزلت كام دمعة علي صدره
سا عتها
تحس الغربة برا ك و جواك
وان الهوي اللي معدي
عمره ما يبقي هواك
ولا يصاحبك
امسح خطوط الوهم من كفك
وانزل علي ارضك
دوس علي طرح
مش طرحك
ولا ريك
ولازيك
ولا يحمل صفات اسمك
بذرته شيطاني
و الزرع براني
والجدر مجهول
ما تقول
وان قلت مين يسمع
الود ن مقطوعة
والكلمة ممنوعة
والتهمة موضوعة
واقفة تستناك
اياك تروح هناك
راح تلقي الحلم متعلق
بعد اعدامه
وسجانه
واقف بيستناك
امسح خطوط الوهم من كفك
وعيش مع حلمك
بس خلي الحلم جواك
………………………….
محمد سعفا ن شبين الكوم
التعليقات مغلقة.