بحبك شعر حسن أبو عرب
بَحِبك رغم مابيكى
وهَفضَل عمرى شاريكى
يانبض القلب بادعِيلِك
إله الكون يقويكى
فى نن عنيا
راح اشِيلِك
عن الآهَه واداريكى
عليكى بخاف
مِنِ النسمه
برمش عنيا اغَطيكِى
واكُون بالصبر حمالِك
واقُول الآه انا بِدَالِك
وللأفراح راح اسعالِك
واحقق كل أمانيكى
قلوبنا عاشقَه وبريئَه
على الفِطرَه ودى حقيقه
ولو مِش لِيا وانا ليكى
دا لو بإديا ياعنَيَّا
راح اوهِبلِك
سنين عمرى
واقَدمهَا وأهدِيكِى
م اشُوفشِى دمعَه
على خَدك
دا لو تبكى أموت قبلِك
يموت جسمى
لكن روحِى
تيجى تقابلِك
وفى الأحلام تناجيكى
ولو قَالُولِى اتمَنى
اقُول فى الحشر ألاقِيكِى….
التعليقات مغلقة.