رمضان شهر السعادة…كلمات : محمد كسبه
يا غاوين العبادة
و طاعة ربنا
رمضان شهر السعادة
في الخير بيلمنا
لياليه الحلوة جاية
مع الغالين عليا
الناس الميه ميه
حبايبنا و أهلنا
يا عم يا مسحراتي
روح وصل سلامتي
و صحي كل الحبايب
و غني لهم ليلاتي
غني لهم وحوي وحوي
و قول فصحي و نحوي
هيوحا يا أهل بلدي
يا رب بارك و قوي
الليل بيعدي دوغري
و الصبح بيجي بدري
و المغرب ع الأدان
كله ع البيت بيجري
الله علي الضيافة
و القطايف و الكنافة
و الناس مزاجها مانجة
و كلامها آخر لطافة
يا شهر كله نور
الكل في الخير حضور
رمضان شهر الحنان
مليان بهجة وسرور
وحوي يعني الفانوس
بينور في النفوس
بيخلي السعادة عادة
متتقدرش بفلوس
التعليقات مغلقة.