أمي بقلم / امل محمود عبد الرازق
كل عام بيجينا عيدك
عمره مايخلف ميعاد
عيد محبتنا وعيدك
عيد ميلاد ام الولاد
مش راح اقول شعري عن امي
إنما عن امهات
حبهم يجري في دمي
ف اللي جي واللي فات
ولو كلامي خلص عليهم
شعري مايحب السكات
نبتدي اجمل بداية
ع النبي قولوا الصلاة
أمي قصة وليها معنى
أمي اسم على مسمى
في الورق مكتوبة دولت
وهي دولة من الحنان
حضنها كان حصن لينا
حصن مليان بالأمان
فاطمة ريحانة الحبيب
قلبها ابيض حليب
والجميلة الحاضرة ديما
ابتسام مايوم تغيب
الأمل من ربي منحة
للقلوب اجمل طبيب
الإيمان يعني إيمان
في اللقا ضحكة وليد
أسمها الحلوه قوت
وليها م الإسم النصيب
اما جيهان العزيزة
الجميلة في الإتزان
والصديقة في قلبي هي
المها صاحبة جمال
قوت قلوب القلب تبأه
والرجاحة والدلال
لو على القلب الحنين
راح اقول علطول سهام
المحبة كالدواء ورحمة بتلبي النداء
لما بنده ياعبير
حبها ليا إحتواء
المحبة شيئ الهي
منحة من رب السماء
لو هااقول اجمل معاني
يعني نوجه ف الوفاء
مكة يااطهر مكان
إسم على بيته العتيق
لما بيؤون الأوان
سجدة بتنور طريق
نعمة نعمة ورزق خالص
م الإله رب العباد
والجمال والفن حاضر
في نضال من غير ميعاد
والعزيزة على القلوب
فيها قلبي يدوب يادوب
اما استاذه هناء
للطهارة احلى توب
همت العزم وثقافة
ويا سرعة في البديهه
مني ضحكتها بلطافة
تحلى كل الدنيا بيها
تشبه الزهرة في صباح
وجهها ضاوي سماح
اما جمليتنا هيام
الدوا لكل الجراح
كلها أسماء لأمي
عايشة بينا وعايشه بيها
هديتي ليها في عيدها
دعوة حلوة بتناديها
حبي ليكي وكل روحي
هنقابلها وهنلاقيها
كل عام وانت في حياتنا
يا أحلي غنوة نغني ليها
التعليقات مغلقة.