بلاش بقلم .. يسري عثمان
ان كان جمعنا حب
دا ياما لم قلوب
وان كان غرامك ذنب
انا ياستي باتوب
مفتاح هوانا ف ايدك
وانا حارضي بالمكتوب
لوكنت جوه وريدك
دايب اناوبادوب
لو كان بعادي يعيدك
للإصل والمعني
ياريت تعاهدي الزمن
مايوم يجمعنا
داحنا دفعنا التمن
مره واحده وكاش
اللي شريناه من زمن
بنبيعه اهو ببلاش
ياست فارقيني
وكفايه قلبي إن عاش
من يوم مافوتيني
وانا قلبي في الإنعاش
عايش علي الاجهزه
حزين وواخد جزا
مستني يوم معجزه
يعيش وحب بلاااااش
التعليقات مغلقة.