إهداء إلى الشاعر محمد متولي…بقلم مسعد البحراوي
من أجمل أوقاتي حقيقي
لما اقعد مع حالي وامدد
واغمض عيني عن العالم
واطلق عصافير حرفك تنشد
إسمك رسمك نبرة نغمك
ماأجمل إسمك يا محمد
أنا أصلي بحب الشوق والحب
ونجوم الليل في عنيا قلوب
تلمع وف قلبي عبيرها يهب
أعزف لك لحن تقول أيوب
أنا بيك ازاي وضمير الجاي
نبضك بيحسن فيا غناي
ولا نبره هتظبط مره معاي
إلا إذا كنت بتسمعني
طول عمرك فنان وبريشه
على لوحة الدنيا بترسمني
تخطفني برقه من العيشه
وف جنة حرفك تعزمني
ولما بترسم لي الأوطان.!
بشوفني حاضنها و بغني
جوابي دا ليك يامتولي
ودا مع حفظي للألقاب
حنانك لينا بيخلي
البنان يكتب بيان وجواب
ياقائد جبهة الأحباب
بنتعلم وبنسلم
قلوبنا ليك يابو مسلم
كلمات مسعدالبحراوي
اهداء لمن هو
رقيق القلب والمشاعر
رئيس نادي أدب وثقافة أجا
الأب والأخ والإنسان أ/محمد المتولي مسلم
التعليقات مغلقة.