عشه ع الترعه…بقلم الشاعر معوض حلمي
شيلت الشعر في الدواليب
سنين والغــربه سرقـتني
وفيها الضلمه زي الديب
نيـابها القـاسـيه شـقتني
كتبت حروفه بالإحساس
مانيش معـــــني ببــحوره
وعشان يطرح أمان للناس
بابـدر ع الســـطور نـوره
قلــبي زي بـير ســــايح
ومـنه الســـــاقيه دواره
باوصـل بكــره بامـبـارح
وباحرس بت في الحاره
لا انا شـاعر ولا قـــاضي
ولا دنـيا لنـا دايـمـــــــه
أنا باحــث عـن المـاضي
باصـحي المفرده النايمـه
دواويـني عـــن الأريـاف
وفيـــها الحروف فـرعـه
وعاشق ضلة الصفصاف
وعـشه بسيطه ع الترعه
بقلمي الفـــلاح الفصـيح
معـــوض حلــمي عـلي
التعليقات مغلقة.