شويليات مقصودة 9
,,,,,,,,,,,,,,,,,,,,,,,,,,
إياك وسِكة قليل الأصـل والمعيوب
وسِكة اللي لِبس توب الأدب مقلــــوب
وسِكة اللي شِبع والجوع مأصل فيــــه
ليزقلوك العيال بين السِكك بالطوب
قالو المحبة وفا ، قلت الوفا دفنوه
سخافة المهزلة فرضت شيطان عبدوه
لو تُحكُم المصلحة هات العُشار وادبح..
إللي بتحكم مرا والواد بيضرب أبوه..
أزمة ضمير ف البلد ضلِت معاها نفوس
خلت ولاد الهفأ ,, كِترت معاها فلـوس
ماعادش وازع يرجَّع للحياه أمـوات
والكدب بين البشر أصبح شِعارملمـوس
مليت ولاد للي مُش هشتم كفاني ذنوب
وكمان قليل الأدب اللي تناه معطـــــوب
حاوِّلت انافِق لقيت أصلِ الربايه مـَــل
ولساني لو حـَل هيبـَّطــَّح كتير بالطــوب
عبد الفلوس لو تبيِّن طرف ميت لحلوح
يبيع ضميره ويعمل قرد فين م تروح
يلعق مداسك ويعمل م الفسيخ شربـات
ولو هتركب يوطي لك كمان مسموح
بفلوس تغيَّر ذِمم بفلوس تبدِّل ناس
بفلوس تعجِّم عرب تفقع هنود مدراس
بفلوس تروِّض أسد يتبع خـُطاك حارس
لكن بقرشك ما تحلم يوم بحُب الناس
اوعاك تظـُن الجمال يوم تشتريه بالقرش
أو يوم تهرجـل عبط ويسقفولك طــُرش
مِنحة جمال ربنا مِش روج يداري عيب
الوحشه لو سبِّلت جنِب ل يكلك قرش
الوحشة لو سبِلت طرف الغنج تكفيك
العُمر مش بعزئه أوعى العائول يكفيك
لو أنت أد اللجام امسك زمـــام مُهرة
ولو جنابك خِرع هتفِز بيك تكفيـــك
أظن عيبه أوي إنك تحِز ف ابوك
علشان مراتك تقلـِّل من كرامة ابوك
رباك وكبَّر وعلـِّم واحتواك ف المهد
ليه أمّا تِكبر تبيع أمك وتـُهجُر ابوك
خليفة خلـِّف خلف خلـِّف خلف خلاف
لمين هيطلع خلف والمَد ليه كـــــلاف
الواد بيطلع لابوه والأب لاسيـــَّادو
يضرب بسيف لـُقمتو لو كان كاريه عساف
لمّا أنت عيشك مأدِد ماتحاولش تخـــُم
ف عيش اخوك المفقع خلي عندك دم
لو أنت فعلا جدع والنخوة فيك هاشمي
هتفِض خِتم الحسد والنفسنـــه والذم
عبدالخالق شويـــــــــــــــل
التعليقات مغلقة.