عشانك أعيش بقلم الشاعر.. محمد الشناوي الشيوي
ومهما خدتي
من روحنا
بواقي عمرنا ليكي
ولوحبك يجرحنا
نموت فدوا لاراضيكي
وتتزكرنا أيامنا
ويعزف لحننا
الصبار
وتطلع شمسك
الصابحه
وهتخلي الليالي
نهار
عبيرك ريحته تشبهنا
ويسعد خدك النوار
محال أيامنا تنسانا
وتختلس الورود
نظرات
ترابي قبضته. دانه
تحول أورشليم لروفات
محال أيامي تنساني
وأنا في قول الطيور
تغريد
تحن الموجه لاحضاني
گأني الشط
وتحبي الشمس لأقدامي
تقبلها
وتطرح ضلتي ضحكه
زرعت البردي وعارفني
وحافظ سحنتي والخط
وبيصليلي في الاناشيد
وأنا الراهب لكل
دندنات قولك
أنا طولك بكل فصوله
عايشني
أنا الشاهر لكل
محاسنك الغامضه
أناومضه
لقول الرب في محاسنك
أنا راسمك
فنار بين السماء
والأرض
وظفره ضحكتك ياسامين
وحصنتك بقول الحق
والبقره وقلب يسين
هتبقي لمين
سوي لابني
وجوه معالمه راح
تبني
حجات بتحبها فيا
ونزف مشاعري
علي الجدران
وصدق القول في
أفعالي
وحبي ليكي كالبركان
برغم الحاجه
كنت أغني
ندغت الصبر بالمعني
فزادني إبتهال لله
فأي القول يقويني
أنا إلي رحتي من
طيني
رسمتك بالمشييه
حياه
فمدي كفوفك إرقيني
ومهما تفر من عيني
دموع الحب تكويني
تنبت ورده فوق
خدي بتشبهلك
تقول لهوايا عن
سر السكوت في البوح
وصوت المستحيل
بديل
فيتكسر
ويتبعتر ويتمني
يبوس نعلك ولا ترضيش
فبصي لضحكتي في
إبني بتعجبني
فيتهالك گأني جيش
واهو عمري خلا بيا
ودق أجراسه
قاتلني بحبس أنفاسه
فكيف إني ماليش ديه
دارين السر وهبوحبه
دي منيه منيتي هيا
عشانك أعيش
التعليقات مغلقة.