مُتَأَكِّدَه بقلم الشاعر : أشرف يوسف
مُتَأَكِّدَه من حبي ليك
من حبي ليك مُتَأَكِّدَه
بِتْشُكّ ليه في هوايا ليك
ومعاك بنول گل الرضا؟!!!
ما سألتنيش ليلة لُقَاك
ليه لما شوفتك قلبي دق؟!!!
ووافقت بيك وانا قادره
اقولك
وقتها يا حبيبي لأ ؟!!!
گانت مشاعري بتندهك
وتقول حاجات من شوقي
ليك
واحلو وياك الگلام
من فرحتي يا حبيبي بيك
إحساس بيجمعنا سوا
أنا وانت والشوق و الهوي
تشهد عليه نظرة عنيك
وإيديك وقلبي اللي انكوي
يا حبيبي اقول إيه ولا إيه
أكتر من اللي انا قولته ليك؟!!!
قَدَّر مشاعري و لهفتي
وبلاش تغيب وحياة عنيك
گل اللي عندي انا قولته
ليك
و معدش عندي غير گده
بِتْشُكّ بس في حبي ليه
و معاك بنول گل الرضا؟!!!
لو كنت فعلا بوحشك
ما يكونش عندك أي شك
وشوشني زي زمان و انا
أنسي القساوه و اوشوشك
و تعالي نبدأ من جديد
أيامنا راح تبقالنا عيد
لا تقول گلام و لا اقول كلام
وانسي الملام ح تروق أگيد
التعليقات مغلقة.