فرق شاسع شعر / جيهان النجار
الفرق شاسع
فى الجمل
والصدق
تاه بين الحروف
اليأس منك والأمل
واللى جرالي
واتعمل
خلاني فى آخر
الصفوف
الجرح من كتر
الوجع
رافض يشارك
فيك دموع
إنت مصمم تبقى
ليه
ف الروح جنين ؟
اهرب أنا منك لفين ؟
الشوق شقا
والصبر عندى
مش
جميل
الصبر أصبح هد
حيل
الليل طوييييل
والبرد آكتر
م الغطا
سيرتك دفا
رغم
أن أيامك
شتا
بالله عليك خليني أحسن ميته متصحينيش .
التعليقات مغلقة.