قوم وأذن يابلال…كلمات الشاعر إبراهيم عاشور
قوم وأذن يابلال
بالترابط والوصال
ايه حرامنا والحلال
الضلال عم البسيطه
مش بسيط الأنحلال.
فهم العاصى وقول له….
شد للنور الرحال
لسه أرض الجنه خصبه
جنتك مش شيء محال
قوم وأذن يابلال
عرف الناس الحقيقه
اللى ظنوا هايشتروها
يملكوها بأى مال.
قول لهم بكره تسيبوها
والسعاده فى الحلال.
قوم وأذن يابلال
قول لنا امتى ها يرحل
امتى نهزم الاحتلال
من عقولنا…من بلادنا
قول لى فين الأختلال؟
مين نصفنا / مين خذلنا
قوم وأذن يابلال
من على قمة جبالنا
من تلالنا..
ليه غشمنا والانحلال.
قول ضلالنا منا فينا
قول نبينا وصى بينا
قال علاج الأعتلال
(احنا دين الأعتدال)
قول بأعلى الصوت ونادى
قول دا مال الدنيا عمره…
عمره ما بيصنع رجال.
قول شيطان الجهل أخطر
من طاقتنا والخيال.
من اثار الجهل فينا
خدايدينا للزوال
ربى لما قال نصلى
صف واحد فى اعتدال
قوم وأذن يابلال
نادى كل الخلق وحد…
صف بعد الأقتتال
قول لهم للدم حرمه
حرمته لحظة يسال
قول لهم الله اكبر..
من خيالكم .من خيبتكم والضلال
قوم وأذن..
قوم وأذن يابلال
قول لكل الخلق(بلغ)..
يزرعوا بستان محبه
لمبه للعابر سبيله
ينزعوا فتيل القتال
قوم وأذن باعلى صوتك
قوم وأذن يابلال
التعليقات مغلقة.