جراح الشتا بقلم… اشرف الشناوى
الشتا بيهز الروح
فبتنزل منها حكاوى
ويغربل كل جراحنا
بياخد منها تقاوى
علشان ماهيزرع بكره
ويقلع منه غناوى
ويسيبنا فى وسط
البحر المالح
من غير جارى
فياخدنا الموج
مطرح مايروح
يرمينا فى وسط
الوجع الهاوى
الشتا بيهز فى روحنا
فتتزل منها حكاوى
ويصحى الليل اوجاع
ملهاش فى الدنيا مداوى
ويعدى الصبح
كأنه غشيم متعافى
ويدوس عالحلم
ان نبت فينا شواشى
ويدق ضلوعنا
كمان عالماشى
الشتا بيدق
اوتاده
كأنه ماجاشى
وبيزرع فينا
الخوف فدادين
الشتا بيخاف
يزرع ياسمين
او يفتح باب
تهرب منه المساجين
الشتا حبة اوجاع
ماسكين
سكاكين
الشتا بيهز الروح
ويسيب القلب
حزين
الشتا بيصحى
جراح حلوين ……
التعليقات مغلقة.