يا حلو يا حلو / بقلم أحمد زيدان
يا حلو
يا كامل الأوصاف
يا شارب غدر من يومگ
عشمت في ناس
يكونوا نضاف
لقيتهم بقعه في هدومك
يا حلو يا باقي
وبْـ وضعك
و طبعك كايد الوحشين
زرعت الخير
في أرض جفاف
جنيت الطعنه م الحلوين
يا واد يا غريب
فى احوالك
عدلت البخت معْ غيرك
ولما صحيت لأفعالهم
رميت الزهر
قام خانك
عملت بأصلك الطيب
و كنت تداوى و تطيب
ويوم الجرح ما ينادي
تقول حاضر تقول طيب
و مهما إن تعمل الحلوه
تلاقي الكل بيعيِّب
يا حلو يا حلو في خصامك
عليك هيبه بوش بشوش
و جنتل ويا أخصامك
كتبت الشعر أوحَى لَكْ
بإن العبره في التفسير
رماك البحر في الأوهام
و في الواقع خسرت كتير
التعليقات مغلقة.