القلم الباكي
شعر
سيدة القصاص
عمالة أحاول
أكتب شئ
مش عارفة انا
خالص
مش هاقدر
ياحروفي ليه
( شبِّيتي )حريق
أنا مهما أشوف
منك ما أغدُر
لك طبع معايا
عجيب وجرئ
وأنا لولا
بحبك مش
ها أصبر
ياحروفي دا
إنت
الدفا والصيف
طب حتى
سيبي لي
منك طيف
مجروحة لبعدك
ضميني
مش كنت يا
حلوة
تِعِزِّيني؟
ف بحار الحرمان
رميتيني
باغطس وب إبْ
كأني غريق
ياحروفي يا
ساكنة
ف مواويلي
بانده لك حتي
إسالى لِيليِ
النوم من بُعدك
مجافيني
ومخاصمة الراحة
جفون عيني
بابعت لك
والورقة ف
إيدي
والقلم الباكي
وتنهيدي
يا تعودي و
تحضني
أفكاري
ياشكيكي لابن
الفراهيدي
ياحروفي يا عزي
يا لحن رقيق
يا أنيسة غُربة
يادُرّ …عقيق
يا جمال رصيته
ف دواويني…
التعليقات مغلقة.