الكنز… شعر جيهان النجار
ما تنساش ان
انا منك
وحتة مهمة
من قلبك
….ما تخسرهاش….
مادام الضلع
كان أعوج
ف بالراحة
ما تتكاش
عشان الضعف
…..دا قوة……
فاخبيها
بعيد جوا
ف آخر حتة
من عمرك
عشان الدمع
…..مايشوفهاش…..
وداري عليها
م الدنيا
…..ما تفضحهاش……
فاسبحان الذى
سوى
ومن آدم خلق
حوا
وصنع الحب
من حاجة
….مانعرفهاش……
انا المشبوكة
فى ملامحك
وماشية تحت
طوع القلب
وباسامحك
وشايلة
قصادك الشيلة
وجايبالك
زمن يكبر
قصاد عينك
يخللي الباقي
ف سنينك
بفايدة ف دفترك كاش
انا كنزك
وتحويشة
انا اللي باصب
حلو العمر
فى العيشة
بلاش تحاسبني
ع الطيبة
ياريت تعاملني كحبيبة
عشان عيبة
عشان عيبة
يبقى الهوي ببلاش.
ما تنساش .
التعليقات مغلقة.