الكلام الحلو.. من ديوان ” كلام في الحب”…
أشرف يوسف
الكلام الحلو
شعر غنائي
كلمات : أشرف يوسف
كل الكلام الحلو ليك
بفتكره لما بشوف عنيك
و بحس بيه أكتر كمان
لو إيدي تحضنها بإيديك
بشعر بحاله من الفرح
وحاجات إليك بتشدني
لما بحس بحبي ليك
والاقيك كمان بتحبني
أجمل مشاعر عيشتها
و بعيشها وياك وقتها
و الوقت وياك يبتدي
ولا عمرى احس انه
انتهي
وف قاعده حلوه
وكلمتين
اتنين بيسرقني الحنين
واتمني لو كنت اعرفك
يا حبيبي من مُدَّة
وسنين
ما بقيتش احس بغربتي
غير وقت بُعْدَك والغياب
والشوق ياخدني لدنيتك
وانا واقفه بيه علي كل
باب
واحلم بقربك في الهوي
كنا بعيد أو فيه سوا
واتمني لو كان جرحي
فيه
يبقي بإيديك انت الدوا
الثلاثاء بتاريخ ٢٠٢٢/٣/٨م
بقلم الشاعر : أشرف يوسف
من ديوان : كلام في الحب
التعليقات مغلقة.