إلى أُم الشهيد… شعر السيد الشيتي
بيعدى يوم العيد
وكأنه ناسينا
ولايوم لبسنا جديد
ولالحظه حسينا
وكل مانودّع شهيد
يزرع حماس فينا
وكل يوم بيموت شهيد
وبلدنا تلبس توب حِداد
يتيتم الطفل الوليد
ويشيب مع أول ميلاد
وعروسه تترمل ف يوم العُرس
يصبغها السواد
ياامُ الشهيد متزعليش
دا الجنه مدا ايديها ليه
دا القبر هلل لما شافه
لأن ريحة الجنه فيه
ِوِشُه بيضحك م الفرح
حواليه ملايكه بتنادبه
قلبك عليه انفطر
جواكى مليون آه
نزل الرصاص زى المطر
قتل الحياه جواه
آل ياامه دا صوت القدر
لازم البى نداه
ياامُ الشهيد افرحى
عُمر الشهيد مايموت
هيعيش ولايتمحى
مهما الزمن بيفوت
وكأن لسه بنسمعه
ساكن قلوبنا الصوت
ياامُ الشهيد روح الشهيد
ف الجنه بترفرف
ودمه مِسك شديد
فواح وبيهفهف
إبنك عريس وعروسته حور العين
ياامُ الشهيد افرحى
مين إل زيه مين
التعليقات مغلقة.