لو سألوني بقلم / امل محمود عبد الرازق
والله لو سألوني
عنك يا نور عيوني
وعن روحي وعن دمي
هقول هي دي أمي
اللي حملتني وشالتني
وبكل الحب ربتني
هي الصابرة على طفولتي
وبكل حنان رضعتني
أمي ياكل عطاء
ياكل الدفا والاحتواء
كلامك هو لي دواء
قلب ياما بيناديني
جوه حضنك بيدفيني
يا أحلى وردة في بستاني
لو أهديكي عمري مايكفي
لو أهديكي عيوني ماتكفي
دا انت النور ووجودك يشفي
غبتي وروحتي وغابت شمسي
وتركتيني في دنيا ماتحمي
إيدك لسة ماسكة في إيدي
وقلبك لسة بيملا وريدي
حرارة جسمك أنا حساها
ونظرة عينك مش هنساها
غبتي وغابت سر حياتي
اللي خدتني في حضن حنانها
واللي حمتني برمش عيونها
عمري ما اعوض لحظة معاكي
ولا يكفيني الدنيا فداكي
لما أبص وأشوف حوالية
ألقي الدنيا صحرا وخالية
ألقي مكانك لسة ياغالية
نفسي أشوفك وأبوس ايدك
نفسي أجيلك وأعيش جنبك
نفسي أحس بنبضات قلبك
كل حياتي وكل دعائي
إني أقابلك وأكون وياكي
وتظللنا الرحمة معاكي
أمي ياكل الحب الأبيض
رحمة ونور تسعد أيامك
رحمة ونور تسعد أيامك
التعليقات مغلقة.