رثاء…
إبراهيم عاشور عاشور
رثاء..
الدنيا بتضحك وسنانها
واخدين ع العض
لو نضحك ف علينا بتضحك
وايامنا تعد
وتاخدنا بعيد لطريق غربه
اشواكها هناك بتجرحنا
بتمد أيديها ف جوانحنا..
تقطف فى الورد.
بستان الورد اللى اتفتح
مدد ع الأرض.
كان ملو العين وف غمضة عين
راح ما رجعشى
قلبى بيتخض.
تضحك وان قلبت سحنتها…
ف بكانا الرد.
ومشيت مع روحك ياحبيبنا
نقصت من الفرحه نصيبنا
ليه تسيب الغصه.ب تتعبنا
ليه اخترت البعد.؟
لكناأامنا وسلمنا…
من قبل وبعد.
وحياة الحرقه اللى شربنا
قلبى بيتخض
و…. عزانا سكونك فى الجنه
وف نن القلب.
التعليقات مغلقة.