اضحَكْ كَركَر “مونولوج” تِقِيلْ الدَّمْ بقلم / أبومازن عبدالكافي
(خفيف الروح
بيتعاجب
برمش العين
والحاجب
خفيف الروح ) …
تِقِيل الدَّم
بتأمَّر
وفَاكِر إنُّه
هَيعَمَّر
تقيلْ الدَّم
غَبَاؤُه
ماشُفتْ
زيُّه مَثِيلْ
وحُمْقُه..
بَغنِّي فِيهْ يالِيلْ
وِمِنْ غُلبِي ..
وكُترْ الويلْ
بَطنِّشْ ..
بس مش عاجِبْ
فَ اغنِّيلُهْ
خفيفْ الرُّوح ..
وانا كاذِبْ
و هَعمِل أيه ؟!
بقُولْ يارُوح ..
مابعدِكْ روحْ
واغنِّي وأقول :
خفيفْ الرُّوح !
أشوفُه ..
أتخضْ مِنْ وِشُّهْ
وأقول ياجميل ..
وأنا بَغِشُّهْ
وِنِفْسِي ..
والنبي أهشه
لكن ساحب ..
معاه ناعم..
بقول :
بالمَيَّه لَوْ أرُشُهْ
هلاقي منه ..
نارْ طَشَّهْ
تِجيبْ لي ..
وَشْ وِمَتَاعِبْ
وأقضِّي حَياتي ..
في مَصَاعِبْ
تقيلْ الدَّم
بتأمَّر
وفاكرْ إنّْه ..
بتَعَاجِبْ
بِرِتْمْ لعِينْ ..
بلا حَاجِبْ
تِقِيلْ الرُّوحْ
تقيل الدم ..
بتقَنْعرْ
عليَّ ياناسْ
وبتغندَرْ
وأجيبْ لُهْ عَصِيرْ
مِنْ البنْجرْ
يقولِّي.. لا..
قصَبْ سُكَّرْ
يِروَّقْ.. دَمِّي
ما تفَكَّرْ ..
ياروحْ الرُّوحْ
وانا ..
لو جبتْ عصَّارَة
قصَبْ ولمُونْ
وِبِخْسَارة
هَيِقلِبْ ..
صفوها عكَارَة
ومش مِحتاجْ
انا شَطارَة
دا تُقلْ الدَّمْ
دا مَهَارةْ
ياخوفي ..
دنيا غدارة
لقطنِي يانَاسْ
بسِنَّارة
وسيّحْ لي
وعمَل غَارَة
وِلَمّ عَوالِمْ الحَارَة
وغنولي ..
خفيفِ الرّوحْ
ونَا أصْلًا ..
مَنيشْ شَايفُه
مَاكَانشْ
مِعَايَا نضَّارَّة
تِقِيلْ الدَّمْ
التعليقات مغلقة.