العيش والملح…كلمات محمد كسبه
فيه ناس أجدع مليون مرة
م الناس إللي عايشين وياهم
أصل الجدعنة مش بالعشرة
فيه ناس سمعتهم سابقاهم
العيش و الملح للي يصونوا
دايما في القلب جوه يكونوا
لكن إللي تملي يمد لبره
دول زي القرع علينا يهونوا
و إحنا بنتعامل ويا الناس
هنحط ما بينا الحب أساس
و إللي بيبعد عنا بناقصوا
خليه لوحده و مع نفسو
و إللي بيشيلنا فوق الراس
ده حبيبنا الغالي و أعز الناس
خطوات و مواقف في حياتنا
بتخلينا نعيد تاني حسابتنا
إللي بنشوفو وقت الفرح
و إللي بيزود جرحنا ملح
و إحنا فاهمين الدنيادي صح
و بنرد جميل إللي وقفوا معانا
و الدنيا يا ناس مش مستاهلة
ده إحنا حياتنا لذيذة و سهلة
و الفرح و الحزن ده إحساس
و يدوب محتاج بس مجاملة
التعليقات مغلقة.