ما بتعملش
بقلم
شيماء عادل
بعرف إني ما بتعلمش
وعيوني الصابره علي الدمعه المطحونه اوجاع
مش شاطره تركز غير بس ف ناس عاشقه وداع
والفرحة الباقيه من الاحلام ختمتها دموع
دموع الصابرين لو نزلت بطفي شموع
غلبان يا ضمير ميت م الخوف
والخوف مكفوف مش شايف غير تحت الرجلين
الحلم بيتحقق صدفه والصدفه آخرها اتنين مساكين
رايحين جايين علي صبر يبل الريق مسافات
الحضن المتبقي لبكره حالف ما يبات
أنا نفس التوهه السكرانه بحواديت الليل
عاشقه الايام الغلبانه ومشيتي ع النيل
وقت اما يكون الصبر حلال
والصبر نهايته دموع احزان
مكسوره تملي الفرحه وناقصه يادوب شبرين
مش كل اللهفة تبان ف العين
دا يجوز اللهفه تكون ف القلب خدت حضنين
سرقتهم منك علي غفله
وقت اما شربت من القهوة يا حبيبي بوقين
واهو حضن المحروم من حضنك محتاج قلمين
ليفوق من وهمه يا اما يا قلبي يزيد العمر كمان حضنين
التعليقات مغلقة.