شهر الخير…كلمات محمد كسبه
يا شهر الخير بقالك
كتير غايب هلالك
رمضان ساعة الآدان
قلوبنا مشتاقالك
رمضان مفيش مثالك
ولا شهر كده ف جمالك
٣٠ يوم مش كفاية
ده إنت إيامك حكاية
يا حلاوتك يا جمالك
كل الناس مشتاقالك
رمضان شهر التجلي
يا مسلم صوم و صلي
ما بين شغل و عبادة
زيادة في الخير تملي
رمضان يا شهر غالي
يا مسهر الناس ليالي
شغل و نشاط و حركة
و الرزق كتير و بركة
ع السفرة ساعة الفطار
قاعدين سوا في انتظار
المغرب و الآدان و الفرحة و السعادة
في قلوبنا صغار كبار
الناس جاية و رايحة
في إيديها مصحف و سبحة
و الزينة في كل مكان
بتملا وشوشنا فرحة
فوانيس بتزغلل عينينا
و الزحمة في المدينة
من المغرب للسحور
الناس بتسأل علينا
و إحنا بنروح نزور
كل الغالين علينا
يا شهر الخير بقالك
كتير غايب هلالك
رمضان ساعة الآدان
قلوبنا مشتاقالك
التعليقات مغلقة.