حكاية حب بقلم محمود فهمي
فلاح ومالي براح
غير طينك
وبغنيلك ودايب دوب
في مواويلك
وبغزلك حروف الضي
من شمسك حكاية حب
كأني شعاع نور منثور
تايه في ملكوتك
وبتهجى حروف عطفك
تضميني بليل حلمك
وأعيش من تاني فى
أحضانك
وما ارجع تاني متغرب
ك طير جناحه مكسور
واستنى نَور صبحك
…….. يبدد ظلام فجرك
وابقى فيه نهار عمرك
وأغزلك طرحة من شوقي
تزين جبين روحك
تروح سنين تعبك
أرسم ملامحك على وشي
ف يجي الفرح في ميعاده
متخبي في طاقة نور
تطلع ضحكه بتجلجل
تلم صبايا الدار
يا حلم العمر يا مايا
يا حكاية اخرها الموت
انا حالف يمين الله
اكون ليكي شط نجاه
واكون حبرك ع ورقك
يكتبني حروف عشقك
وأرسمك في جوف الليل
عيوني أشوف بيها
التعليقات مغلقة.