جمالك بقلم الشاعر : أشرف يوسف
في حسنك غنت الشعرا
وغاروا منك الحلوين
وانا اللي كتبت في
جمالك
زياده عن عشر دواوين
ورمشك سهم صاب قلبي
في وقت ما كنت انا
سارح
وفي عنيكي بشوف بكره
بيبقي احلي من امبارح
وشعرك ليل بشوف قمره
جبينك و الخدود وردي
و وقتك وانتي ويايا
بخاف لا يخونني و يعدي
وفي كلامك بيحلا الهمس
وفي إيديكي يدوب اللمس
وفي سنينك يطول عمري
ما بين بكره و بين الأمس
وفي شفايفك يدوب إسمي
و يحلا اكتر علي لسانك
واحس اني ماليش عنوان
في شوقي إلا عنوانك
و قدك يااااااه علي قدك
ومين في الدنيا دي قدك؟!!!
يا ساحره الكل و الشامه
تغير م الورد على خدك
جمال الدنيا و الآخره
ما شوفته في حد غير
فيكي
يا فاتحه للهوي دايما
بيباني و كل شبابيكي
يا فاتحه
للهوي دايما
بيباني
وكل شبابيكي
التعليقات مغلقة.