مراجعه على ما سبقت دراسته
زين ممدوح
الحب هو الفلتر الذى ينقى الإنسان من شوائبه.
الشرح
شوفوا يا أولاد
الحب لو موجود فى كل حاجه فى حياتنا هنعيش بسلام .
وعلشان تفهموا أكثر
خذوا هذا المثال
يعنى بابا لما يروح للجزار يشترى كيلو لحمه
ويسأله عن الفلوس
بابا يقول له هديلك حب بدل الفلوس
يقوم الجزار حاطط إيده فى جيبه ومطلع منديل يجفف دموعه
ويزود على الكيلو شوية دهن
هو ده الحب والتسامح
وعايزكم تقولوا لأهاليكم الأستاذ مرزوق الوحيد فى مدرسة كفر أبو السعد الإبتدائية بيدرس مادة الحب رغم عدم وجود أصل لها فى مناهج الوزراة
وياما بعت لهم
فيها إيه يعنى لما يكون فى ابتدائي مادة الحب
وعلى الأقل هتبقى الوحيدة اللى الطالب مش هياخد فيها دروس
وسؤالي المعتاد فى نهاية الحصة
قيام
يالا بصوتكم العالى
حد فهم حاجه من الحصه يا اولاد
أبدا خالص يا مرزوق
نشوفكم الحصة الجاية
التعليقات مغلقة.